АЛМАТЫ ОБЛ.: ӘЙЕЛ ЖАМАҒАТЫНА СЕМИНАР

Алматы облысы, Қарасай ауданы, Батан ауылының «Батан» мешітінде әйелдер мен қыз-келіншектерге арналған «Адал ас – жан азығы» тақырыбында танымдық семинар өтті. Семинарда «Халал Даму» технологы, тәжірибелі маман Әселхан Сәбитқызы арнайы дәріс оқыды.

⠀

Кездесуде қатысушыларға адал азықтың адам денсаулығы мен руханиятына әсері, халал тағам тұтынудың шариғаттағы орны, сондай-ақ күнделікті өмірде жиі кездесетін тағам өнімдерінің құрамын ажырату жолдары кеңінен түсіндірілді. Сонымен қатар, халал стандарттарының негізгі талаптары, өнім этикеткасындағы жазуларды оқу, күмәнді тағамдардан сақтану жолдары секілді тақырыптар қамтылды.

⠀

Семинар барысында Әселхан Сәбитқызы халал мен харамның аражігін нақты мысалдармен түсіндіріп, қатысушылардың сұрақтарына жан-жақты әрі шариғи тұрғыда жауап берді.

Шара соңында қатысушылар рухани азық алғандарын айтып, осындай пайдалы кездесулердің жиі өтуіне тілектестік білдірді.